لەم کاتانەدا بەفر مەخۆ لهلایهن: - ئەربیل 360 - بهروار: 2026-01-01 بهشی بكه لە تەندروستی هەولێر بابهته پهیوهندیدارهكان نرخی مسقاڵێک زێڕ نزیکەی 10 هەزار دینار دابەزی ئەمڕۆ شاندی دانوستانکاری پارتی و یەکێتی لە هەولێر کۆدەبنەوە پاشەنگ عەبدوڵڵا دەچێتە سوێد قیرتاوكردنی شەقامی 100 مەتریی هەولێر دەستیپێكرد لەم کاتانەدا بەفر مەخۆ ناوەندی کلیڤلاندی پزیشکی لە ئەمریکا ڕایدەگەیێنێت کە لەگەڵ هاتنی سەرما و بەفربارین خەڵکێکی زۆر روو لە ناوچەکانی بەفربارین دەکەن و ئارەزووی تێکەڵاوبوون لەگەڵ بەفر و تەنانەت خواردنیشی دەکەن. بەڵام لە هەندێک دۆخدا نابێت بەفر بخورێت. بەفری دەستکاریکراو مەخۆ بەپێی کلیڤلاندی پزیشکی لە ئەمریکا، ئەگەر بەفر دەستکاری کرابێت، واتە راماڵدرابێت، قاچی پێدا نرابێت یانیش خاوێنکرابێتەوە و ئۆتۆمبێلی بەسەردا چووبێت، نابێت بخورێت. بەفری رەنگگۆڕاو مەخۆ هەروەها ئەگەر بەفرەکە رەنگی گۆڕابێت، نابێت بەفری زەرد یان رەش یاخود سوور بخورێت، چونکە ئاماژەی بۆ ئەوەیە لەگەڵ شتی دیکەدا تێکەڵ بووە و پیس بووە. چینی یەکەمی بەفر مەخۆ ناوەندەکە هۆشداری دەدات کە لە سەرەتاکانی بەفربارین، چینی یەکەمی بەفر نابێت بخورێت، چونکە تێکەڵ بووە بە میکرۆب و پیسییەکانی هەوا و زەوی. مەترسییەکانی خواردنی بەفر لە کاتی خواردنەوەی بەفردا ئاگاداری ئەمانەش بە: - **هەستیاری دروستدەکات**: ڕەنگە کاردانەوەی هەستیاری لە جەستەدا دروست بکات - **جەستە وشک دەکاتەوە**: جەستە وزەی زۆر لە توانەوەی خەرج دەکات بۆ گەرمکردنەوەی بەفرەکە - **میکرۆب هەڵدەگرێت**: دەشێت تێکەڵ بە میکرۆبەکان بووبێت و ببێتە هۆی نەخۆشی بەردەوامبوونی بەفر و بارانبارین سەبارەت بە گۆڕانکارییەکانی کەشووهەوا، محەممەد کەمال، شارەزای کەشناسی، ڕایگەیاندووە: "ئەمڕۆ شەپۆلەکە بەرفراوان دەبێت. لە هەموو ناوچەکانی کوردستان باران دەبارێت و ناوچە شاخاوییەکان و ئەو شارۆچکانەی لە ئاستی ڕووی دەریاوە بەرزن، سپیپۆش دەبن." ناوچەکانی بەفربارین ناوچەکانی خوارەوە سپیپۆش دەبن: - شیلادزێ - ئامێدی - بامەڕنی - بارزان - مێرگەسۆر - قەرەداخ - پێنجوێن - پیرەمەگروون - ماوەت هۆشداری لە نیوەڕۆی دووشەممەوە شارەزای کەشناسی هۆشداری دەدات کە لە نیوەڕۆی دووشەممەوە تاوەکو شەوەکەی، پێشبینی زۆرترین بڕی بەفر دەکرێت. ئەمە نەک تەنیا لە شاخەکان، بەڵکو لە سەنتەری هەندێک شاریش دەبێت. پلەکانی گەرماش بە تەواوی دادەبەزن و ئەگەری بەستن و شەختە هەیە. ماوەی بەردەوامبوون باران و بەفرەکە تاوەکو ڕۆژی پێنجشەممە بەردەوام دەبێت. بەگوێرەی کەشناسیی هەرێمی کوردستان، بەفر و باران تاوەکو کۆتایی ئەم هەفتەیە بەردەوام دەبێت. بهشی بكه لە بابهته پهیوهندیدارهكان به : لەم کاتانەدا بەفر مەخۆ نەخۆشخانەی رزگاری لە هەولێر: ساڵی رابردوو زیاد لە 4 هەزار و 200 هەناوبین کراون لەم کاتانەدا بەفر مەخۆ ئەم ساڵ ماوەی بڵاوبوونەوەی ئەنفلەوەنزا زووتر بوو بەراورد بە ساڵانی رابردوو
گهورهترین ئینسكلۆپیدیای كوردی
